"يا مغرمين" بقلم/ د. محمد عبدالعظيم


والعشق لوكان بالظروف
يبقي اللقا وهم وسراب
انا لو بكيت علي حب تاه
تبقي الحياه اسوء عقاب 
لسه النصيب
عندك حبيب؟
تلاقيك بتحلم باللقا ده من زماااان
وان كنت مش لاقي الامان
احلم كماااان
سهم الهوي يوم مااترمي
كان لسه بيشوف الودع 
لكنه كان شهم وجدع 
ياهل تري بكرة اللي جاي
جايب معاه في العتمه ضي؟
هي العيون تعرف تخون
او حتي تنكر حبها
طول ما الحنين بيضمها؟ 
يا غلبها 
اوعاك تكون عايش وحيد 
طعم البعاد مر واكيد 
لساك بتشتاق للغرام
لساك تماام
ولا الحكايه مسخت فيها الكلام
هو اليقين
جواب لكل المشتاقين
والعاشقين 
انك تداري وسط انفاسك انين
وانك تقابل قلب مليان بالحنين 
وانك تعوض كل حرمان السنين
يامغرمين
الحب حاله من البراح
بيخلي كل الكون نجاح
والحظ مهما جه وراح
بس النصيب لساه متاح
#محمد_عبدالعظيم
شــارك
التعليقات

0 التعليقات :

إرسال تعليق