"افصل شعورك " بقلم/ د. محمد عبدالعظيم

افصل شعورك عن صراعات البشر
عيش الخيال وارسم باحلامك قمر
اسرح بحلمك واسرقه رغم الصعاب
عافر بقلبك بس سلم للقدر
يا دنيا مكتومة بسكات
مين اللي قال الحلم مات؟!
سكه ومليانه بحاجات
صدق ظروفك كلها 
واياك تقول القطر فات
ما اشجع القلب العليل
حب الحياه اصدق دليل
وان كنت يائس من الغيوم
جاي النهار يسبق يا ليل
سايق عليك القلب... ماتضيع المكتوب
عايش في حاله حب.... بس الفراق محسوب
ياهل تري الايام.....تكشف لنا اللي جاي
سارح مع الاحلام.....برسم حروفك ضي
لو تطرد الاوهام.. يفضل ضميرك حي
دنيا وفيها الشوق... واصل لابعد طيف
تايه كما المعشوق..... محتار الاقي رصيف
محتاجلي لحظة افوق... اروي حكاوي الصيف
ده الحب حاله وذوق...... وانا قلبي لسه ضعيف
#محمد_عبدالعظيم
شــارك
التعليقات

0 التعليقات :

إرسال تعليق