"انا المسكين" بقلم / د. محمد عبدالعظيم

ياقطر العمر ليه تجري
معانا في البلاد حكايات
وغناوينا واحلامنا
وسكه طويله قدامنا
وحلم كبير مالينا حنين
وحزن وفرح وشوق وسنين
انا والله مستني
تعبت كلام 
ماهي احلام
مسيرها في يوم تشوف النور 
تلاقيني بحن ليوم
اعيش سني
يافرحة لسه متشاله 
مانيش عاله
وبكرة الدنيا تضحكلي 
يقين بالله 
انا في حماه... نسيت الهم
انا من غيرة حالي يغم 
انا الدرويش
لكني هعيش 
مانيش قاعد ومستني
يضيع العمر
انا محسود لكن موعود
ادوق الحلم في الاخر 
ومين في الدنيا دي سافر
وعاش حلمه
ومين في الدنيا دي عافر
وزال همه
ماهي دنيا وغدارة 
بتطحن بس بجدارة
ولما نفوق من الاحزان
بترسم ضحكة مكارة 
لكن علي مين
هنفضل فيكي مبتسمين
يا قطر العمر ليه تجري 
انا......المسكين
#محمد_عبدالعظيم
شــارك
التعليقات

0 التعليقات :

إرسال تعليق